Božić

– Dušo, daj nam još dva gemišta!

– Daj, Rista, čekaj… Rekli smo da idemo doma…

– No dobro Lima, pa bumo išli… ali si bumo najprije spili još ta dva gemišta. I oču te nekaj pitati…

– Kaj buš me pital?

– Zakaj mi nisi čestital Božić?

– Ha? Kaj bulazniš? Pa prvo kad sam došel sim, još sam te s ceste zagledal tu za šankom, došel sam nutra i dal sam ti ruku i čestital sam ti… Kaj se ne sečaš?

– A-a. Nisi mi čestital Božić. Samo si zmrgljal nekaj da… da mi želiš sve najbolje… za ove blagdane. Tak neku pizdariju.

– Je pa kaj onda očeš, Rista? Pa to je to, ne? Čestital sam ti, kaj očeš? – Lepo ti velim, Lima: oču znati zakaj mi nisi čestital Božić.

Ljutito se okrećem prema njemu u pokušaju kontranapada. Ristine bistre, pronicljive oči svrdlaju mi ravno u dušu. U njemu nema ljutnje, samo mu na licu titra blagi osmijeh. Poznaje me cijeli život i čita me ko knjigu. Skužio je da me nešto žulja. Neću se izvući tako lako. Brzo skrećem pogled natrag na čašu.

– A dobro, Rista, daj ne guslaj. Nemam volje, ne da mi se…

– Zakaj, ne kužim? Kak ti se ne da čestitati Božić? Kaj ti se zameril?

– Nemam više volje, nisam nikomu čestital. Zeli su mi Božić, razmeš? Fkrali su mi ga…

– Kaj budališ, Lima? Niš te ne kužim. Kak su ti fkrali Božić? Ko ti je fkral Božić?

– A ovi, tam… svi! – zalamatam rukom nekamo prema Sljemenu. Osjećam kako me njegovi snažni prsti stežu oko lakta.

– Daj, Lima, odi sim. Bumo si lepo seli pa buš mi rekel kaj te muči. Odi… Dušo, daj nam još dva gemišta!

Sjedamo sučelice u separe i više ne inzistira; pušta me da sam počnem. Dišem sve dublje i brže, kao da me nagomilane riječi već guše i ne daju mi do zraka. Onda mi bujica tih riječi iznenada, nezaustavljivo, sama kreće kroz usta.

– Jel se ti sečaš, Rista, kak je to bilo nekad? Ti znaš da sam ja seansprvo godište i otkad znam za sebe UVEK smo slavili Božić. Kitili smo borek i čekali smo malog Isuseka da pod borom ostavi darove. Onda kad je došel, uvek je zazvonil z malim zvončekom na boru. I išli smo na polnočku i po cesti smo na sav glas pevali Radujte se narodi. Bili su ti dani uvek veseli, lepi i onak nekak svečani. I tih dana svima sam čestital Božić, a ak nekomu nisi mogel stisnut ruku, samo si mu prek ceste zakričal SRETAN BOŽIĆ! Sretan jer nekomu želiš sreču na taj dan, a Božić… Kajaznam, bil sam još mali i nisam ti ja to nit kužil tak ko da je to sad taj neki mali Božić, tek rođeni Bog, pa onda kad zraste, ispada da onda valda jebe mater svima kaj nisu njegovi. Meni je Božić bil taj mali Isusek i nakićeni borek i polnoćka. I nisam nikad ni pomislil da nekomu ne bi čestital. I ovima, i onima, i svima je bilo drago. To bi bilo ko da nekoga ne bi pozdravil s Dobar dan. Još su mi doma rekli da ovom stričeku ili onoj teti moram čestitati Božić i za dva tjedna, kad bumo mi slavili Tri kralja. Nije me nikad religija nekaj posebno zanimala, a f crkvu sam u biti išel jedino na veronauk i na polnoćku. Veronauk je još bil f crkvi, a ne f školi, to znaš. I nisam tam sigurno išel po ocjenu. Znaš kak je sad, deca idu pod mus jer im je to dio nastave, a ak neko mesto veronauka slučajno upiše etiku, mam je sumnjiv. Ili je Srbin ili komunjara ili nekaj drugo žnjim ne valja. Pa kad sam delal na školi videl sam kolko su deca po tom pitanju nabrušena. Pitam ja zakaj ovaj tam ne igra z vama nogomet, pa veliju, ma on je čudni i nečemo imati posla z njim jer nejde na veronauk! A ko je štel, nekad je išel gore k Barbari, a ko nije štel, nije išel i gotova stvar, koga briga. A bilo nam je kak deci to baš fora jer je Pepek sve te priče znal onak, zajebantski pripovedati. Ali znaš kak to ide. Prejdeš veronauk, pa pričest, firma i kaj sad, sigurno nebum svaki dan doma čital Bibliju. Tak da mi je Božić bil baš onak, lepi narodni običaj, bez nekakvoga huškanja i hajke jer se s tim Božićem kak smo ga nekad slavili nije nikoga strašilo, razmeš? A onda je počelo celo ono sranje z jogurtima i balvanima i takvim pizdarijama koje su ljudima odma i pamet pomutile. I župniki su mam pobesneli kak da počinje novi križarski rat. Ovi su dobri, ovi nisu. Ove naš bog ima rad, a po ovima puca z topa. Sečam se da smo devedesete mama, baka i ja bili na misi na Bistrici. I pojavil se na oltaru nekakav novi pop kaj ga niti ovi domači nisu poznali. Očito je dobil prekomandu s posebnim zadatkom. I taj stari kripl se sav zapenil, počel je urlat… To si nemreš zamisliti, kakve bljuvotine. Onak su mu žile skočile, sav se zapljučkal, ko kad gledaš one Hitlerove govorancije. Da moramo med sobom najti izdajice, sve one kaj nisu pravi Hrvati i pravi katoliki, sve komuniste, ateiste, Srbe, ove i one, da to treba rešiti i počistiti… Jebate, užas živi. Ja sam zišel van i minutu za menom mama i baka. Stal sam se tam, znaš na onu terasu z ogradom kaj je okrenuta gore prema kalvariji, otraga desno iza crkve? Bil sam zapraf još šmrkavac i mislil sam da bum dobil špotanciju, pogotovo od bake. A ona ti je samo došla k meni, primila me pod ruku i rekla: „Kakef mulec! Ko je njemu dal da stane za oltar i pripoveda takve gluposti! Odi, idemo si rajše spiti gvirc!“. Onda su k takvim popima u crkve porinuli novopečeni verniki… Oni kaj su do jučer bili največi Partijci, oni su sad zauzeli prve rede i počeli lizati oltare… A popi su ih jedva dočekali, ono kakti zgubljene ofčice, pizda im materina. Udbaši kaj su još do jučer pratili i pazili ko ide u crkvu, a sad su počeli pratiti ko nejde i zakaj nejde. Onda nam je na faksu jedna profa na predavanju važno rekla JOJ, SAD ĆU KONAČNO MOĆI KITITI BOR! Daj si zamisli… ona se devesprve zmislila kitit bor! Do jučer je valda pisala proglase za Partiju, a sad bu kitila bor! Nabijem ja tebe i tvoj bor! Onda su počeli stizat i ovi zvana… Sineki od ustašof kaj su se počeli vračat iz Australije i Kanade i kajaznam kojih sve vukojebina… Takvi kaj su tam služili mise za Pavelića, onda su došli sim i počeli takve pizdarije kak da je četrsprva… Te misa za Luburića, te molitva za Francetića… Za takve likove, razmeš, koljače i ubojice. Hrvate po profesiji i ubojice po vjeri. A njih su ti novi, gramzivi i agresivni popi još i lepše dočekali, kak nekakve oslobodioce! Jer su ih kakti dotad komunisti furt samo streljali i mučili. A svi pravi verniki su valda samo tam negde, kam su četrspete zbrisali ustaše. Da mi je samo znati u kojoj su to jebenoj državi svi ti maltretirani i streljani župniki završili kurčevu bogosloviju? Jebate, kak sad pripovedaju, ispada da su svakoga svećenika komunjare u Jugi bar triput streljali! A onda su se k takvim župnikima još pricufuknuli ovi najglasneši heroji kaj samo pobiraju peneze sa svojim udrugama. I sam znaš takve. Ili ovi još bolji kaj su se sad, 25 let nakon rata, zmislili da su bili na prvoj crti. Ti si bil u ratu i koji kurac imaš od toga? To da ti pop za blagoslov hiže zeme zadnjih dvesto kuna kaj si priredil za platit struju? Mesto da on tebe pita kolko ti treba! A ti veliki ratniki svaki drugi dan iščeju nekakav kurčevi blagoslov kak da su v jaslicama rođeni. Te nanašaju sveče, te krunice, te križe, a ovi f čipkastim tunikama s križecom samo skačeju da im blagosloviju. Očeš puške, očeš motore, očeš zahode od udruge. A kad neko hmerne, onda župnik prvo pita da jel je redovito daval lovu i prvo ti veli kolko misa košta. Danas akcijska cijena, jena misa za tri mrtveca. Dober dan, faljen Isus i tak dalje, ali gleč sinek, to ti je tolko i tolko ak nečeš da ti tateka hitimo v gnoj! Onda na misi vređaju ljude da kak su škrti, kaj ne daju više za novu crkvu, za ovo i za ono. A oni si za to kupuju besne aute i skupe vure, razmeš? Imaju frajeri onak lepo bogataške hobije, ideju v lov, peljaju se z Mercedesovim terencima pa hbijaju jelene kaj si buju deli roge na zid župnog dvora. Verniki mu nemaju kaj jesti neg kopaju po kontejnerima, a on ih jebe da nek mu daju više f škrabicu kaj bu si kupil novi Rolex! A sad više nit nisu takvi župniki glavni, neg pazi, sad su nam boga došli tumačiti ovi novi, katolibani s tim svojim udrugama, kaj bi šteli živeti kak f srednjem veku. Pa daj pogle kam to ide, jebemu mater, još malo pa buju vrnuli inkviziciju i spaljivali coprnice! I onda sad na kraju, šlag na celoj toj torti od dreka, za Božić sad čekamo kurčevoga Dedamraza s kurčevom Kokakolom, da mu jebem mater i njemu i Kokakoli… I kaj onda ima za mene sad u tomu? NIŠ!!! Razmeš me? Nema više baš pod milim bogom niš od toga Božića kakvoga se ja sečam… Jer su hništili sve ono kaj je bilo lepo i dobro… Sve su si prisvojili i napravili su od svega samo laž i strah i zlo…!

Zadnje mi riječi već jedva izlaze kroz stisnuto grlo. Divljački stežem čeljust, a jedna velika, izdajnička suza pljusne poput debele kapi kiše na drveni stol ispred mene. Bijesno otirem lice rukavom, a Rista brzo uzima čašu kao da ništa nije vidio. Potom nas obuzima duboka, teška tišina. Emotivno sam potpuno ispražnjen, ne da mi se ni disati. Samo sjedim i puštam da limbički sustav odrađuje svoj posao. Nakon duge šutnje Rista počinje prstima zamišljeno vrtjeti svoju čašu pa polako i tiho progovara.

– Kužim te sad, Lima. Sve ja to znam. Kaj misliš da ja to sve ne znam? Samo mi te žal… Ti si još mlad, i pametan si… Zakaj se s tim opterečuješ? Ne znam kak da ti pomognem… Nemrem ti pomoči. To je tak. I gotovo. Nema se tu više kaj. Pusti to… To ti je tak. Dušo, daj nam još dva gemišta!

-Goran Novosel